السلام عليكم ورحمة الله وبركاته
نتواصل معاكم في موضوع العطور من النت ( صجيتكم صح ) ؟؟ طبعا كثير من الشباب كلموني عالجوال يسألون تحديدا عن الامور المادية وانا بطبيعتي احب اتفلسف شوي ، وكلهم يردون برد واحد ( هات من الاخر ، نشتري والا لا ؟؟ وبعضهم يتشرط ويقول ، نبغاك تشتري لنا ، انت صرت عارف !! ) المهم ، انا قلت بكمل سلسلة الدروس ، وهي في النهاية وجهة نظر شخصية . وكل واحد حر في ( ريحته)
بالنسبة للتكاليف ، ارفقت لكم صورة من الموقع اثناء تسوقي ، فيها يتضح اسم العطر وحجمه وسعره ، طبعا بالدولار .
اظف اليها سعر الشحن الدولي والداخلي ، تقريبا 7 دولار لكل علبة عطر ( حوالي ٢٥ ريال) واخيرا ما ننسى نظيف اسعار الجمارك ( انا تفاجأت انهم اخذوا علي جمارك ، لأني ما اتوقع ان ١٧ عطر هي كمية تجارية ) لكن واضح ان الموظف الموجود كان ( حسود) لذلك اخذ على سعر الفاتورة حوالي ١٠٪ ، يعني تقريبا بحسبة بسيطة ، اخذ على كل علبة حوالي 5 دولار او تقريبا ( ٢٠ ريال) وبكذا نكون خلصنا من التكاليف ، يعني المطلوب منك تظيف ما يعادل 45 ريال على كل عطر من القائمة اللي في الصورة ، وتشوف هل هي مجدية من ناحية التكاليف ؟ انا عن نفسي لقيت فيه عطور كثير يظل سعرها ارخص من عندنا بفارق بسيط حتى بعد اظافة الـ45 ريال . لكن من قال ان مشكلتي الاساسية هي في السعر ؟؟
طبعا انا ماجربت كل العطور لسى ، بس احس اني واثق فيهم اكثر من ربعنا ، خصوصا ان خط سيرها ما مر في دبي 🙂
الان بطلب من صديق المدونة ( محمد الدوسري) ياخذ صورة من العطور ، ويروح لسوق الجملة او باريس قاللاري ويشوف الاسعار ، يمكن نكون اكلنا خابور
تحياتي
ننتظر مقارنة الاسعار
وبعدين ترى يمدحوا العطور في استراليا
ههههههه
أخي وحبيبي
بالنسبة للعطر الثامن
F by s.f. for women
انا شريت منه الرجالي
مررررة روعه وصعب تلاقية
صعب يعني صعب مو مزح
المهم ثمنه سلمك الله عندنا بعد التخفيض وقلت الحياء
285 ريال سعودي
معلومة وحسب
باي قلبو
الأخ أنور
تجربتك موفقة
بصراحة تكاليف 17 عطر بما يقارب 4ألاف ريال أعتقد سعرها جداً معقول وفي متناول اليد
بس فيه سؤال يطرح نفسه
هل كل العطور اللي شريتها … كانت بناء على إنها ماركة وبدون تجربة أو إن بعضها مجرب من قبلك أو من قبل الغير وبالتالي قرتت تشتريها؟
Hassan
اهلا ابو المعتصم ، بالنسبة لمقارنة الاسعار ، فما اتوقع بكون وفرت كثير خصوصا بعد اضافة الـ45ريال ، لكن السؤال الاخر هنا ، هل انا مرتاح من ناحية جودتها، امممم تقريبا نعم
الا بسألك ، صدق والله كيف اسعار العطور عندكم؟؟
Anonymous
اهلا عزيزي ( المجهول) تمنيت انك اشرت لنفسك بأي اسم او كنية ، المهم ، العطر اللي قلته فعلا ممتاز وبارد ، الان انا استخدمه ، اخذته من الطائرة بحوالي ٢٣٥ ريال
شكرا على تعقيبك ، ولا تقطعنا
Golden Touches
ماشاء الله عليك يا ابو دانة ، تعقيباتك واسئلتك في الصميم ، فعلا العطور غالبها مجرب او موصى عليها ، وفيه ٢ او ٣ قلت بجربهم خصوصا ان اغلب الماركات
معروفة ،
تحياتي للجميع
وينك يا عزيزي انور ؟؟
ترا كل يوم 5 مرات اشيك على المدونه هذي انتظر المقارنه
وش فيك نسيت ؟؟؟
بعدين من مجدي هذا ؟؟؟
ابو دوسر
اهلا صديقي العزيز
اولا اشكرك على الايميل اللي ارسلته ومقارنة الاسعار
وراح انزلها في تدوينة قادمة مع طريقة الشراء من الالف الي الياء
اكرر شكري لك ، واعتذر عن ( اهمالي)
بالنسبة لتشييك المدونة على قولتك ، اتوقع فيه طريقة اسهل
وهو انك تختار Email follow-up comments to
وتحط ايميلك ، وبكذا يوصلك اي شي جديد على بريدك
بالنسبة لمجدي ، هذا هو اللي يتابع مواضيعي بالمدونة 🙂
تحياتي
سلام
انا مهووسة صرت بحكاية العطور من النت
وطلعت بطاقة خص نص لاجل اشتري من النت
بس للان البطاقة ما وصلتني اقصد الماستر كارد
يعني ما جربت
انا المسألة مو مادية المسألة ان العطر مو موجود بالسعودية اتعدم جدا
-معدووووم
المهم شاريته شاريته باذن الله
المشكلة اني ابغى كمية كبيرة فوق 20 وفكرت الجمارك كيف حيدخلوها وكم حيآخذوا وكذا
أكيد هم بس يآخذوا 10%
انا من السعودية على فكرة والعطر بأمريكا
كذلك اعطر في الموقع رخيص جدا جدا جدا بس انه ما يوصل للسعودية ولا ارامكس توصله شسوي ؟؟
هل UPS توصله ؟؟
والف شكر وفي انتظار الرد على احر من الجمر
Hemo
اهلا وسهلاً ، اول اعتذر منك ومن قراء المدونة لأنني لم اكمل كتابة ماوعدت بكتابته عن تفاصيل الشراء.
عموماً، انا اخذت من موقع امريكي رائع وهم تكفلوا بعملية الشحن بحيث وحسبوه ظمن الفاتورة، اذكر الشركة كانت دي اتش ال وكانت العملية سهلة وسلسة وممتعة.
بس ياليت نعرف وش اسم العطر هذا اللي مجننك؟؟
وافينا بتجربتك
تحياتي